Бағалар үшін ақша алу бағдарламасына қалай қосылуға болады

Бағдарлама жайлы

Бағдарламаның мақсаты — оқушылардың оқуға деген мотивациясын арттыру, үздік бағалар алуға қызығушылықты дамыту, сондай-ақ мектеп оқушыларының қаржылық сауаттылықтың негізгі дағдыларын қалыптастыру. 

Бонус жүйесі аясында 2–11 сынып оқушылары үздік бағалары үшін ақшалай сыйақы ала алады. 

Ақшаны ала бастау үшін баланың атына карта ашу қажет. Мұны банк бөлімшесіне бармай-ақ, онлайн жасауға болады. Ол үшін Freedom SuperApp қосымшасын жүктеу жеткілікті. Бұл оңай, ыңғайлы және 5 минуттан аспайды. 

Бағдарлама туралы толық ақпаратпен мына сілтеме арқылы таныса аласыз:
https://bilimclass.kz/promo/freedom

Freedom SuperApp — Google Play-де.

Freedom SuperApp — App Store-да.

Қатысу шарттары

Бағдарламаға келесі шарттар орындалған жағдайда ғана оқушылар қатыса алады:

• ЖСН бар;

• 2-сыныпта немесе одан жоғары сыныпта оқиды;

• Жасы 18-ге толмаған;

• Power Card картасын Freedom SuperApp қосымшасы арқылы ата-ана баланың атына рәсімдеген.

Ескерту! Егер осы шарттардың кемінде біреуі орындалмаса — бағдарламаға қатысу мүмкін емес.

Бағдарламаға қалай қосылуға болады

Бұл — негізгі жол, оқушы тарапынан қосымша әрекет қажет емес:

1. Ата-ана Freedom SuperApp қосымшасы арқылы баласының атына Power Card картасын рәсімдейді.

2. Картаны рәсімдегеннен кейін бірнеше сағат ішінде жүйе баланы бағдарламаға автоматты түрде қосады.

Ата-анаға арналған толық нұсқаулық:

Баланың атына Power Card ашу (нұсқаулық)

YouTube-тегі бейнекұсқаулық

Қатысуды қалай тексеруге болады

Картаны рәсімдегеннен кейін, қатысуды бірнеше сағат өткен соң тексеруге болады:

1. Оқушы BilimClass аккаунтына кіреді.

2. Бағдарлама бетіне өтеді: https://bilimclass.kz/promo/freedom

3. Егер бәрі дұрыс болса, мынадай хабарлама шығады:

4. «Құттықтаймыз! Сіз бағдарламаға қатысасыз.»

Бұл жағдайда ештеңе істеудің қажеті жоқ — жақсы бағалар үшін ақша автоматты түрде түседі.

Егер карта бұрын шығарылған болса, ал оқу кейін басталған болса

Кейбір жағдайларда (мысалы, карта бұрын шығарылған, бірақ мектепте оқу кейінірек басталған болса) жүйе баланы бағдарламаға автоматты түрде қоспауы мүмкін. Мұндайда:

1. Оқушы BilimClass жүйесіне кіреді.

2. Мына сілтеме арқылы өтеді: https://bilimclass.kz/promo/freedom

3. «Менде карта бар. Қосылу» батырмасын басады.

Батырманы басқаннан кейін жүйе банкпен автоматты түрде байланысады:

1. Егер карта табылса:

Хабарлама шығады: «Құттықтаймыз, сіз бағдарламаға қатысасыз!»

Дайын! Басқа ештеңе жасаудың қажеті жоқ.

2. Егер карта табылмаса:

Хабарлама шығады: «Картаңызды таба алмадық»

Қайталап сұрау жіберуге 1 сағаттан кейін болады.

3. Егер қате орын алса:

Хабарлама шығады: «Күтпеген қате»

4. Егер батырманы 1 сағат ішінде қайта бассаңыз:

Хабарлама шығады: «Сұранысыңыз өңделіп жатыр»